1961

ПЕТР ЗАХАРОВ
(1961)
Петр Захаров удмурт литературае Владимир Романовлэн
дышетскисез шуыса пыриз. Кылбур книгаосыз полын «Вож выж»
тужгес но висъяське. «Эбга» трагедиез асьме шаерын гинэ овол,
Финляндиын но чузъяськиз. Трос лэсьтиз Петр Михайлович, удмурт
егитъёс полы этнофутуризм мед волмоз шуыса («Инвожо»
журналэзлэсь коня ке номерзэ юромо та ужпумлы сизиз). Берло
аръёсы со Удмурт ПЕН-клуб кылдытон бордын тырше. Туала
вакытысь утчанъёсыз («Карас» бичет) лыдзисьёсты трос ласянь
шугъяськыто: оз ышты меда П. Захаров аслэсьтыз ымнырзэ, оз
пормыты-а лирикаез огшоры шудонлы-шузияськонлы?
Петр Захаров вордиськиз 1961-ти аре 26-ти январе Татарстанысь
Кукмор ёросысь Киня гуртын. Пияш песятаез борды тужгес но
кыстиськиз, соиз угось Библиз лыдзылыкуз но, радио пыр
«Америкалэсь куаразэ» кылзиськыкуз но, кияз ручкаен пукылоз вал,
пе. Нош атаез (кушемнимыз Гадзи) сярысь ёросын пальыштыкъёсанекдотъёс ветлизы, соос полысь одигез проф. В. Кельмаковлэн
«Образцы удмуртской речи» книгаяз но сюремын. «Куд-ог дыръя али
ке но мон ас шорам ньыль аресъем синмыным учкисько,– шуэ Петр
Михайлович. – Пинал дыръям эшъёсы монэ «Зичы» шуо вал,
аспортэмлыко ироничной сямы понна, дыр. Нош бускель бигеръёс
автошколаын дышетскон дыръя – Ар-Заки.
АДЯМИЛИСЬ ПОРТЕМ.
• «Вордиськонме но мон адямилэсь портэм, дыр, вордиськи, –
шуэ Петр Михайлович, – мон йырыным, пе, ой поты,
пыдыным, пе, поти. Соин но, дыр, армие монэ вань
эшъёсылэсь люкыса Германие басьтизы (эшъёсме –
Владивосток пала келязы). Нош Германиысен вань
Татарстанысь пиослэсь висъяса, тодьы куакаез кадь – воксё
мукет батальонэ нуизы. Армиын но мон адями сямен
служить ой кары, армиысь но адями сямен ой берты – берти
гинэ но, арня улыса, Севере ужаны кошки, Харп посёлоке».
Но П. Захаров уйпалан кема ик уг улы, жоген отысь бертэ, кышнояське,
Дэриысь (Завьяловоысь) райсельхозтехникае шофер луыса интыяське.
Сизьым ар отын ужа, кык ар пала – «Ленинец» газетын, собере ини
«Инвожо»-е вуэ.
УЖЪЁСЫЗ.
• УдГУ-ын дышетскон дыръяз, литература со понна огшоры
зачет яке экзамен басьтон гинэ ой вал. Угось 30 аресъем
студентлы ваньмыз со лыдзиськонъёс бадзым литературае
выжыятскон но инъяськон сюрес вал ини (2010-ти аре потэм
«Карас» бичетысь шуак адзыны луылэ студент вакытысьтыз
экспериментъёсты, кудъёссэ П. Захаров печатлатэк возе
вылэм). Йылпумъясь диплом ужез «Обыда» нимо
постмодернизмо пьеза вал, кудзэ «утьыны» солы
драмтеатрысь Василий Ушаков режиссер юрттиз.
Университет университетэн, но П. Захаровлы тужгес но бадзым школа
луиз Владимир Романовен пумиськон. Диплом ужезлэн азькылаз со
гожтэ: «Сыче узыресь нуналъёс вал со, мынам улонам сомында
метаморфозаос ортчизы. Та вакытэ мон весяклы кушти ни
«баранкаме», тодматски Миша Федотовен, Слава Сергеевен; губка
сямен мон кыскыны кутски литература улонысь самой ческыт, самой
курыт, самой узыр сурсвузэ». Собере коня ке кыл дышетисез сярысь
вера, аспортэмлыко Соос (бадзым букваысен) тушмонлэсь пуштроссэ
валэктыса: «Романовлэн веранъёсыз шайтанлэн ымысьтыз кадь
потылизы. Со вера вал лек, но вера вал зэм. Володя серекъя вал
Соосты, со жуге вал Соосты, пушнера вал, паре вал. Мон уг вераськы,
«вож кый» со самой умоез висъяськон, улонэз умойгес адзон амал
шуыса. Но, мон сямен, соку со тужгес но кужмоез амал вал –
«пощечина общественному вкусу». П. Захаров аслаз дышетисезлы
трос гинэ чуръёссэ сизиз, соос полын тужгес но висъяське «Мон
кошкисько, осме ворсатэк…» кылбур (кырзан гожтиз Надежда Уткина).
В.Романов улонысь кошкем бере, солэсь интызэ Михаил Федотов –
Бесерман – басьтиз. Соос ог-огенызы «Югдон» турбазаын семинар
дыръя тодматско, Федотов кутскись авторлэсь кылбуръёссэ рос-прос
эскере: «…малы «ошиськемын» соиз яке таиз чур, возьматэ, малы
кылбур сумбрес пормем», Ф. Васильевлэсь но В. Романовлэсь кылбуран
техниказэс валэктэ. Мишалы тужгес но кельшизы «Кионъёс» но Шекспир
сярысь кылбуръёс. Аслэсьтыззэ кионъёс сярысь ужзэ М. Федотов гожтэ
ини, Петыр эшезлэсь дышетскыса (зэм, таизлэн «Чарлан» кылдэ).
Нырысь гожтэм кылбуръёс полын ик висъясько «Тополь», «Гудыри пи»,
«Мунчоям кортчог шукки но…» но мукетъёсыз.
Петр Захаров – удмуртъёс полысь нырыстиез, кин этнофутуризм
сярысь лад-лад вераськыны кутскиз. 1994-ти аре куартолэзе со Тартуэ
калыккуспо конференцие ветлиз. Отысь жуась синъёсын вуиз. Жоген
«Инвожолэсь» одигзэ номерзэ (1994, № 9) быдэсак та ужпумлы сизиз.
П. Захаровлэн валамезъя, этнофутуризм – со вашкала амалъёс пыр
туала пуштросэз усьтон. Яке туала амалъёсын вашкала пуштросэз
возьматон. Озьыен, асьмеос огдыре ик вашкала выжыосмес но утьыны
тыршиськомы, туала постмодернизмо улонлэсь но палэнэ ум
чальтчиське. Мукет сямен вераса, выль воштиськись вакытэ асьмелэсь
лулчеретмес утёно гинэ овол, сое азинтыны но луоно.
П. Захаров 1990-ти аръёслэн кутсконазы «Эбга» трагедиез
бордын ужаз, сое Йоскалык театрлэн сцена вылаз вуттиз.
Собере та синмаськымон ужез Финляндие финн-угор
драматургилэн фестиваляз поттыны кариськизы.
Трагедилэсь кужымзэ кунгожсьоръёс выли дунъязы, чапак
сое этнофутуризм валатонэн герзаса (со сярысь мон
берлогес тоди, Хельсинкиын печатласькем «Синтез» (1994,
№ 8) тодослыко журналэн тодматскеме бере). Та журналын
финн кылын печатламын коня ке статья, кудъёсаз Петр
Захаровлэн «Эбга»-ез сярысь вераськон мынэ, нош ассэ
удмурт драматургез но кылбурчиез ушъяса удмурт Лённрот
нимало.
Коня ке ар ортчыса, этнофутуризм тулкым сярысь вераськон
паськыт волмиз, Удмуртиын трос калыккуспо фестивальёс
ортчизы, журналлэсь эшшо кыксэ огазеям номеръёссэ П.
Захаров (валтись редактор чотын) та ужпумлы сизиз. Та
вакытэ гожтэм кылбуръёссэ «Вож выж» (2001) книгаен поттиз.
Со вакытэ ик Петр Михайлович валаз, одиг этнофутуризм
эгес сьоры гинэ ватскыны уг яра, маке но выльзэ утчаны
кутсконо ини. Озьы «Вож выж» бичетын ик трос гинэ
кылбуръёс пумисько, кудъёссэ утчанъёстыэкспериментъёсты сямен учконо луэ «Муньылон азьысь
кызлэн уйвотэз», уката ик графика ласянь радъям ужъёсты
(«Нырысети учкон»), куарашудон амалъёсысь философиез
поттись кылбуръёсты «Шаер – со Шай».
Книгаысь куд-ог чуръёс мечак афоризме курисько, угось
вакытлэсь аспортэмлыксэ но, кылбурчилэсь ироничной
сямзэ но туж яркыт усьто:
Йырдэ тупез кадь чыжыса,
Астэ ачид серекъяса…
Синмы – кык телевизоръёс,
Сизьым-тямыс программаысь гожъёс но титръёс…
Соин ик одиг-ог дыре
Инбам уг зор, музъем зоре…
Удмурт кылбуретлы, шуэ П. Захаров, воргоронлыкогес
луыны дыр вуиз ини, угось туала вакыт – со
«ожчиослэн» вакытсы, нюръяськыны-ожмаськыны уд
быгатиськы ке уката ик литератураын, аслад калыкедлы
трос пайда лэсьтыны уд быгаты, удмурт инмаръёс
азьын но возьыт потыны кулэ.
Петр Захаровлэн выль утчанъёсызлы дышыса гинэ вуиськод кадь –
со ини мукет оре выже, эшшо но музон емышъёс дэмла. Татын
нимысьтыз висъясько кылбурчилэн верлибръёсыз, пусъёс-знакъёс
путылытэк гожтэм кылбуръёсыз («Карас», 2010). Угось П.М. Захаров,
удмурт ПЕН-клуб сярысь сюлмаськыны кутскеменыз, ХХ даурысь
Европа лирикаез удмурт кылэ берыктон борды басьтиськиз, зуч
литератураысь туала утчанъёсын лад-лад тодматскиз. Париже,
Таллиннэ, Стокгольме, Риме вуылиз. Отысен адзиз, удмурт лирикаез
азинтон удысын трос гинэ тырмымтэос, «тодьы виштыос» вань на,
соос полысь нырысетиез – удмурт верлибрлэн ляб азинскемез. Но та
муг – «палэнысь» гинэ, угось вань на «пушкысь» кылдэм муг, куке П.
Захаров пуш куараеныз валаз, солэн аслаз азинскон сюрес вылаз
вуиз вакыт: сюлэмлэсь куронзэ верлибр гинэ усьтыны быгатоз, нош
кылбуре знакъёс тырид ке, малпан быдэсак куашкалоз но
чеберлыксэ-кужымзэ ыштоз.
Ваньмыз таче утчанъёс – быдэсак литературамылэн
курадзонъёсыз, вормонъёсыз но висёнъёсыз; удмурт
лыдзисьёс, оло, авторен соглаш но уз луэ, но табере
соосты лыдэ басьтытэк нокызьы уз луы.