29. 11. 1940 * 12. 08. 2003 - Удмурт кылэз но литератураез

Алла
Кузнецова
( 29. 11. 1940 –
12. 08. 2003)
паймымон дисьтись шара нылкышно
кылбурчи
Кирпич заводын огшоры ужась,
фрезеровщица, огъяулонниын комендант,
библиотекарь, выж миськись, книга вузась,
культура удысын ужась, тубсанаториын
воспитательница… Шара гожъяськон манеро
удмурт поэтесса. Поэзие выль образ ваиз –
сьолыко, укылтэм, пиосмуртъёсты серекъясь
нылкышно образ («сьолыко адями мон»). Алла
Кузнецовалэн выли быгатонлыкез сярысь сонет
тугокоосыз верало, соос полын тужгес
адзымонэз но тунсыкоез Ашальчи Окилы
сизем «Чигвесь» акросонет тугокоез луэ.
Секытэсь но сютэм война аръёс Алла
Кузнецовалэсь улон сюрессэ но гожъяськон
быгатонлыкъёссэ тодмостизы. Вордиськиз со
Чимошур гуртын (Удмуртия, Дэри ёрос). Алла
Кузнецовалэн атаез – Кузнецов Алексей
Исаакович, кошкиз фронтэ, бертиз, но мукет
семьяе, анаез – Лукиных Пелагея Архиповна, кык
нылъёссэ огназ будэтиз. Коня ке вакыт пичи Алла
улиз но дышетскиз интернатын, соин ик со туж зеч
тодиз зуч кылэз но. Трос муртлы юрттиз
кылбуръёссэс кылысь кылэ берыкъяны, чурул
(подстрочник) лэсьтыны.
Алла лыдзыны туж яратиз, школаын активистка вал.
Дышетскыкуз ик со 16 арескысен зэмос кылбуръёс гожъяны
кутскиз. Городэ пегземеныз сэрен, ас вакытаз Алла
Алексеевна школаез уг йылпумъя. Собере ини 34 арескын со
Элькун заочной школаез быдтэ. Алла Кузнецова – Инмарен
быръем кылбурчи, солэн овол выли дышетскемез, солэн
школаез – ачиз улон. Нырысь Алла Кузнецова зуч кылын
печатлаське (1966), собере гинэ удмурт кылэ выже (1968). Ӧз
удалты Алла Алексеевналэн семьяен улонэз, оз шедьты со
аслэсьтыз шудзэ. Вордиз со ньыль пинал. Жаляса верано,
солэн пиналъёсыз быдэс Элькунэ пазяськизы («пиналъёсыз
будизы кин кытын»). Таин сэрен сое кикы-анаен чошатыны
луоз. Нырысь-валысь гожъяськонзэ но выли оз дунъялэ, мыл
потытэк кадь печатлазы солэсь кылбуръёссэ. Жаляса верано,
сямызъя Алла туж ляб вал, сое трос алдазы, жоже уськытъязы,
ултиязы. Сузэрез – Людмила Созонова-Лукиных – тодаз вае,
сое тышкасько ке вал, ваньзэ куштэ но кошке шуыса.
1976: «Чуръёсы тыныд»
(Строки тебе)
нырысети кылбур бичетэз. Тематика ласянь туж узыр та
кылбурчи: инкуазь но яратон, войнаез карган но анаез тодэ
ваён, туала улон сярысь малпаськон но трос мукет. Анай
луонлык, вордиськем шаереныд данъяськон, аракы юон,
яратыны кышкан, войнаез карган мылкыд – валтись темаос та
бичетаз. Аспортэмлыко суреда кылбурчи сютэм война аръёсты
(«пот нянен пушнер щыд», «картофка табань», атайтэк будон),
кезьыт школа юртын эгырен гожъяськыны дышемзэ. Тодмо
критик, Зоя Богомолова, таче дунъет сётэ Кузнецовалэн
кылбуръёсызлы: «Солэн кылбуръёсыз секыт, трос
шугадзонъёсын тырмем пичи но пинал дырызлы, самой матысь
адямиосызлы куатаськонлы, войнаын яратоно атайзэ
ыштонэзлы, аслэсьтыз улонын интызэ но яратонзэ утчанлы
синучкон луо».
Собере, 1984-ти аре «Малы меда?» бичетэз печатлаське.
Татчы портэм пуштросо кылбуръёс пыризы: улонысь ас интыдэ
утчан, шудтэм яратон, яратонлэсь мозмон, улон сярысь
малпаськон, астэ инкуазьлэн люкетэз шуыса шодон. Одигез
чем кутиськись кылчеберман амалэз психологической
параллелизм луэ. Озьы ик поэтикаяз теза-антитеза амал, ваче
пумит кутиськись кылъёс, кылсуредъёс, гротеск, литота
адзымон инты басьто. Алла Кузнецовалэн эшшо одиг
аспортэмлыкез: солэн лирикаяз чем кутисько огшоры
вераськон стильысь кылъёс но предложениос. 1991-ти аре
«Чимошуре, Чимошуре…» бичетэз печатласькиз. Пусйыны
быгатом татысь таче валтись малпанъёссэ: аслад вордиськем
шаереныд, Россиен данъяськон, удмуртъёслэн но зучъёслэн
эшлыко кусыпсы сярысь, вордскем гуртлэсь мозмон мылкыд,
анаез, солэсь дышетэмзэ тодэ ваён.
1995: «Лушкем
яратон=Интим».
Кылбурчилэн чуръёсаз яратон тематика одигез
валтисез луэ. Солэн лирической героиняез понна
яратон – нимаз дунне, узырлык, улонлэн бадзым
кузьымез. Алла Кузнецовалэн лирикаез чик уг укша
Ашальчи Окилэн дисьтонтэк, возьытлыкен пычам
чуръёсызлы. Лирической героиняез – сьолыко
палкышно. Кылбурчи чемысь палдуро яратонэз суреда
но оген кылёнлэсь кышка. Любовь Федорова аслаз
статьяяз таче малпанъёссэ вера: «Ми шедьтиськом
Алла Кузнецовалэн лирикаысьтыз эротической
кутсконэз, яркыт, шара суредамын яратись муртъёслэн
кусыпъёссы». «Лушкем яратон=Интим» (1995) бичетаз
пыриз .
«Кобла мон…» мур философиен кылбурез:
Кобла мон:
Вылам бадзым воз тыремын,
Вормид ке но,
Уд ке но –
«Ну!» – шуэмын.
Ыж йыр мон:
Монэ такаос котырто,
Боксо,
Лекало,
Тэтчало но шудо.
Озьы ик мон скал но:
Кунян вайисько,
Йолме сётисько но
Гидын улисько.
Мон ик чонари вотэсэ сюрем кут:
Золтэм вотэсысь потэме но уг лу.
Ачим ик, лэся, чонари луисько:
Асме кутисько но асме быдтисько.
Мон кый но, дыдык но,
Эбек но сяська.
Чебер потисько ке – коты но веська.
Куштэм палкышно мон.
Коть оскы, коть эн,
Портэм кыйкайлы укшасько чиданэн.
Та кылбурез сярысь В. Пантелеева гожтэ: «Кылбур
лирико-драматической мылкыдын гожтэмын,
лирической героиняез («мон») кык дуннеос вискы –
творчество (кылбурет) но яратон (анай луон) – пачкатэм
кышномурт».
Алла Кузнецоваез вунэтыны уг луы. Со удмурт кылбур
дуннеез сонетъёсын, акросонетъёсын,
диакросонетъёсын, акрочуръёсын узырмытиз Солэсь
бадзым быгатонлыкен кылбурчи луэмзэ кырзанъёсыз но
калык полын улись кылбур чуръёсыз возьмато. З. А.
Богомоловалэн чакламезъя Алла Кузнецова тодэ вайытэ
зуч кылбурчиез Ксения Некрасоваез.
Алла Кузнецова 2003-ти арын шудтэм учыре сюрыса
быре.