Канон преподобному Варлааму Чикойскому Канон, глас 8 Песнь 1 Ирмос: Воду прошед яко сушу, и египетскаго зла избежав, израильтянин вопияше: избавителю и богу нашему поим. Благими нравы украсився, христу прилепился еси от юности, плотския страсти умертвив воздержанием, и к животу преподобне преставился еси. Глаголов и законов божиих исполнитель быв, исполнился еси, отче премудре, божественных даров и чудес, и всем лучи богатно испустил еси. Крепостию христа возмог, державу низложил еси, и силу вражию, и похвалу победную почести приял еси преподобне, чудесными сиянии. Совесть имел еси благу, и око сердечное взирающее к богу: темже внят молитве твоей премудре, с преподобными сочте тя. Богородичен: Страсти плоти моея, и ума моего двизания неподобное утоли, молю тя пречистая дево, и исправи мя заблуждшаго умом. Песнь 3 Ирмос:Ты еси утверждение притекающих к тебе, господи, ты еси свет омраченных, и поет тя дух мой. Весь прилежа вседержителю, преподобне отче премудре, всея бесовские злобы избегл еси. Высотою смирения украшаем, свергл еси на землю велехвального, изрядными делы твоими. Плотию обложен отче премудре, смирил еси превзятую выю нечестивого, смирением словес твоих. Имея поспешествующую тебе божию силу премудре, яко чуден, чудеса источаеши,и отгониши недуги. Богородичен: В ложесна твоя воплощаем всенепорочная, вселися зиждитель, на благодеяние верно поющим тя. Глас 4. Страстное покорил еси плотское мудрование, и горшая поработив лучшему, отче Варлааме, преславне сокрушил еси бесовские козни постом, и возсиял еси в мире яко луча солнечная, сиянии твоих добродетелей: сего ради тя воспеваем. Слава, и ныне, богородичен: Стена непобедимая нам христианом еси богородице дево, к тебе бо прибегающе невредиме пребываем: и паки согрешающе имамы тя молитвенницу, тем благодаряще вопием ти: радуйся благодатная господь с тобой. Крестобогородичен: Дево пренепророчная мати христа бога, оружие пройде твою пресвятую душу, егда распинаема видела еси волею, сына и бога твоего: егоже, преблагословенная молящи не престай, прощение прегрешений нам даровати. Песнь 4 Ирмос: Услышах господи, смотрение твоего таинство, разумех дела твоя, и прославих твое божество. Содеяв преславне душу твою храм святому духу, был еси наследник горняго царствия, с вышними силами. Многоболезнныя страсти всегда врачуюши приступающих к тебе: благодать бо преподобне приим от господа, содевати знамения и чудеса. Краснейшим прозябением отче, в дому божии прозябл еси, добродетельми украшен, и плоды чудесными облагоухаем. Богородичен: Нива духовная, яко же из бразды клас изнесла еси, всю тварь питающаго, всяческих бога, приснодево. Песнь 5 Ирмос: Молитву пролию ко господу, и тому возвещу печали моя, яко зол душа моя исполнися, и живот мой аду приближися, и молюся яко иона: от тли боже возведи мя. Лукавый умертвися змий священными твоими молитвами богоблаженне, и от того разрешаются злобы, иже знамения от тебе испросившие, еси бо угодник божией всесветел, познан был еси верен. Обновив прилежным ралом душу твою, священный отче, добродетельная в ню ввергл еси премудренно многоплодная семена: и пожал еси многоразличных исцелений богатая класы. Крепостию духа отче возмог, державу вражию и силу низложил еси: и похвалу победную почести приял еси преподобне, с чудесными сиянии. Богородичен: Господь с тобою пречистая, яко же изволил есть, быв отроковице, всех нас от области льстиваго ходатайством твоим избавил есть: тем же тя ныне по долгу родове родов ублажаем. Песнь 6 Ирмос: От иудеи дошедше отроцы, в вавилоне иногда, верую троическою пламень пещный попраша, поюще: отцев боже благословен еси. Прошед подвиги постные отче, умом крепким ум прегордый божественным смирением смирил еси, поя: благословен бог отец наших. Краснейшая прозябение отче, в дому божией прозябл еси, добротельми украшен, и плоды чудесными облагоухал еси. Просветив твое сердце, начальник был еси священного собора отча, наказуя и уча, и вся приводя к божией воле, поя: отец наших боже, благословен еси. Богородичен: Ново отроча рождши пребезначального слова, обетшавшия ны грехом, обновила еси дево, и пети укрепила еси: отец наших боже, благословен еси. Кондак глас 2: Чистою душею божественно вооружився, и непрестанные молитвы яко копие вручив крепко, поборал еси бесовская ополчения, Варлааме, отче наш, моли непрестанно о всех нас. Песнь 8 Ирмос: Богоглаголивии отроцы в пещи, со огнем пламень попирающе пояху: благословите дела господня господа. Наследнице божественных селений, ангельски отче, пожил еси: тем со ангелы ликует дух твой. Невозвратно шествовав отче премудре и досточудне ведущими к небеси божественными стезями, от зле ведущих до конца уклонился еси. Всельшеюся благодатию в душу твою отче,лукавно живущии в человецех нечистии дуси отгоними бывают. Богородичен: Вода еси неисчерпаемая дево, от неяже вси пиюще благодати исполняемся, душею и телом освящаеми. Песнь 9 Ирмос: Устрашися всяк слух неизреченно божия снисхождения,яко вышний волею сниде даже и до плоти, от девического чрева быв человек: тем же пречистую богородицу вернии величаем. Исцеление источает богатно честная твоя рака божиим духом, и страсти многовременныя исцеляет отче, приходящик к тебе, и прогонит лукавые духи лютые, и воздвизает верныя, восхвалити твоя светлыя подвиги. Яко великое солнце нам, величием подвиг твоих возсиявый еси и озарил еси богомудре, вся земные концы, умер прешел еси от света к свету возсиявшему, тем вопием ти: просвети наша помышления отче преподобне Варлааме. Тело твое блаженне, терпеливое связавшееся веригами страсти неизцельныя прикосновением исцеляет, богу и спасу тя вельми прославльшу, отче премудре и досточудне, Варлааме, яко делы твоими добрыми прославльшуюся, преподобне. Процвел еси в постнических удолиях прехвальне отче наш, яко шипок благоуханен, и якоже крин обюхал еси совести верных добродетельми и чудесы, тем же преподобне, отжени от нас страсти смердящие. Богородичен: Просвети чистая дево, сетующее сердце мое присно преступленьми, и житейскими многими молвами, не остави мене врагом быти в радость, яко да славлю тя, и любовию пою препетая. Малитва преподобному Варлааму Чикойскому О священное главо, преподобне отче, преблаженне Варлааме. Не забуди убогих твоих до конца, но поминай нас всегда во святых твоих и благоприятных молитвах к богу.Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовные, яко имеяй дерзновение к небесному царю: не премолчи за ны ко господу, и не презри нас, верою и любовию чтущих тя. Поминай нас недостойных у престола вседержителева, и не престай моляся о нас ко христу богу: ибо дана тебе бысть благодать за ны молитися. Не мним бо тя суща мертва: аще бо телом преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашема видема есть всегда, но святая твоя душа со ангельскими воинствы, со бесплотными лики, с небесными силами, у престола вседержителева предстоящи, достойно веселиться. Ведуще убо тя воистинну и по смерти жива суща, тебе припадаем и тебе молимся: молися о нас всесильному богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и небесного царствия наследницы да будем со всеми праведными, от века угодившими господу нашему Иисусу Христу: ему же подобает: всякая слава, честь и поклонение, со безначальным его отцем и с пресвятым и благим и животворящим его духом, ныне и присно и во веки веков.
