Чин благословения офиса предприятия не жилого помещения.

Чин благословения не жилого помещения
Введите содержимое врезки
Священник, придя в новопостроенный дом, или совершает малое
освящение воды, или приносит святую воду с собой; кроме того, он
должен взять с собой флакон с елеем
В данном помещении заранее поставляется стол, покрытый хорошей
чистой скатертью, на него ставится сосуд со святой водой, полагаются
Евангелие, Крест и возжигаются свечи в подсвечниках.
После этого начало обычное: "Благословен Бог наш...", "Царю
Небесный", Трисвятое, "Отче наш", "Господи, помилуй" - 12 раз. "Слава, и
ныне", "Приидите, поклонимся…" (трижды)
Псалом 90-й:
Живый в помощи Вышняго, в крове Бога Небеснаго водворится. Речет
Господеви: Заступник мой еси и Прибежище мое, Бог мой, и уповаю на
Него. Яко Той избавит тя от сети ловчи, и от словесе мятежна, плещма
Своима осенит тя, и под криле Его надеешися: оружием обыдет тя истина
Его. Не убоишися от страха нощнаго, от стрелы летящия во дни, от вещи во
тме преходяшия, от сряща, и беса полуденнаго. Падет от страны твоея
тысяща, и тма одесную тебе, к тебе же не приближится, обаче очима
твоима смотриши, и воздаяние грешников узриши. Яко Ты, Господи,
упование мое, Вышняго положил еси прибежище твое. Не приидет к тебе
зло, и рана не приближится телеси твоему, яко Ангелом Своим заповесть о
тебе, сохранити тя во всех путех твоих. На руках возмут тя, да не когда
преткнеши о камень ногу твою, на аспида и василиска наступиши, и
попереши льва и змия. Яко на Мя упова, и избавлю и: покрыю и, яко позна
имя Мое. Воззовет ко Мне, и услышу его: с ним есмь в скорби, изму его, и
прославлю его, долготою дней исполню его, и явлю ему спасение Мое.
Слава, и ныне. Аллилуиа…(трижды)
Диакон: Миром Господу помолимся.
Лик: Господи помилуй. (На каждое прошение)
Диакон: О свышнем мире и спасении душ наших, Господу помолимся.
О мире всего мира, благостоянии Святых Божиих Церквей и соединении
всех, Господу помолимся.
О святем храме сем и с верою, благоговением и страхом Божиим входящих
в онь, Господу помолимся.
О Великом Господине и Отце нашем Святейшем Патриархе Алексии, и о
Господине нашем, Высокопреосвященнейшем митрополите Владимире,
честнем пресвитерстве, во Христе диаконстве, о всем причте и людех,
Господу помолимся.
О Богохранимей стране нашей, властех и воинстве ея, Господу помолимся.
О граде сем, всяком граде, стране и верою живущих в них, Господу
помолимся.
О благорастворении воздухов, о изобилии плодов земных и временех
мирных, Господу помолимся.
О плавающих, путешествующих, недугующих, страждущих, плененных и о
спасении их, Господу помолимся.
О еже благословити доброе намерение рабов Cвоих (имена) и
благоизволити благополучно начати и спешно, кроме всякаго препятия, в
славу Cвою скончати, силою, действом и благодатию Пресвятаго Духа,
Господу помолимся.
О еже труждающимся делателем благопоспешство в сем подати, и дела
рук их исправити и в совершение силою, действом и благодатию
Пресвятаго Своего Духа спешно произвести, Господу помолимся.
О еже ко благому тщанию рабов Своих (имена) благопоспешствo со всяким
довольством, силою, действом и благодатию Пресвятаго Своего Духа
подати, Господу помолимся.
О еже приставити делу сему и делателем Ангела Хранителя, еже невидимо
отразити вся противныя вещи, видимых и невидимых врагов, и во всем
благопоспешство, к сооружению же — мудрость, и к совершению — силу,
силою, действом и благодатию Пресвятаго Своего Духа подати, Господу
помолимся.
О избавитися нам от всякия скорби, гнева и нужды, Господу помолимся.
Заступи, спаси, помилуй и сохрани нас, Боже, Твоею благодатию.
Пресвятую, Пречистую, Преблагословенную, Славную Владычицу нашу
Богородицу и Приснодеву Марию, со всеми святыми помянувше, сами
себе и друг друга, и весь живот наш Христу Богу предадим.
Лик: Тебе, Господи.
Иерей: Яко подобает Тебе всякая слава, честь и поклонение, Отцу и Сыну и
Святому Духу, ныне и присно и во веки веков.
Лик: Аминь.
Диакон: Бог Господь… со стихами
Глас 2. Творче и Создателю всяческих, Боже, дела рук наших к славе Твоей
начинаемая, Твоим благословением спешно исправи, и нас от всякаго зла
избави, яко един Всесилен и Человеколюбец.
Глас8. Якоже Закхеову дому Твоим, Христе, входом спасение бысть, сице и
ныне входом священных служителей Твоих, и с ними святых Твоих ангел,
мир Твой подаждь храмине сей и милостиво благослови его, спасая и
просвещая всех, труждатися хотящих в нем.
Слава. Глас 6. Скорый в заступление и крепкий в помощь, предстани
благодатию силы Твоея ныне, и благословив, укрепи, и в совершение
намерения благаго дела рабов Твоих произведи, вся бо, елика хощеши, яко
Всесильный Бог, творити можеши.
И ныне. Глас тойже. Предстательство христиан непостыдное…
Прокимен, гл. 4.
Буди светлость Господа Бога нашего на нас, и дела рук наших исправи.
Стих: И призри на рабы Твоя и на дела Твоя.
Апостол: Флп. зач. 241.
Евангелие: Мф. зач. 20 от полу, и от Лк зач. 94
50 псалом.
Помилуй мя, Боже, по велицей милости Твоей, и по множеству щедрот
Твоих очисти беззаконие мое. Наипаче омый мя от беззакония моего, и от
греха моего очисти мя. Яко беззакония моя аз знаю и грех мой предо мною
есть выну. Тебе Единому согреших, и лукавая пред Тобою сотворих, яко да
оправдишися во словесех Твоих и победиши, внегда судити Ти. Се бо, в
беззакониих зачат есмь, и во гресех роди мя мати моя. Се бо, истину
возлюбил еси, безвестная и тайная премудрости Твоея явил ми еси.
Окропиши мя иссопом, и очищуся, омыеши мя, и паче снега убелюся.
Слуху моему даси радость и веселие, возрадуются кости смиренныя.
Отврати лице Твое от грех моих, и вся беззакония моя очисти. Сердце чисто
созижди во мне, Боже, и дух прав обнови во утробе моей. Не отвержи
мене от лица Твоего, и Духа Твоего Святаго не отыми от мене. Воздаждь
ми радость спасения Твоего, и Духом Владычним утверди мя. Научу
беззаконныя путем Твоим, и нечестивии к Тебе обратятся. Избави мя от
кровей, Боже, Боже спасения моего, возрадуется язык мой правде Твой.
Господи, устне мои отверзеши, и уста моя возвестят хвалу Твою. Яко аще
бы восхотел еси жертвы, дал бых убо, всесожжения не благоволиши.
Жертва Богу дух сокрушен, сердце сокрушенно и смиренно Бог не
уничижит. Ублажи, Господи, благоволением Твоим Сиона, и да созиждутся
стены Иерусалимския. Тогда благоволиши жертву правды, возношение и
всесожегаемая, тогда возложат на олтарь Твой тельцы.
Слава: «Молитвами Ангелов Хранителей, Милостивее очисти множество
согрешений наших»
И ныне: «Молитвами Богородицы, Милостивее очисти множество
согрешений наших»
Стихира, на глас 5-й:
Благослови, Господи, храмину сею, и исполни ея земных Твоих благ, и в
ней благочестно труждатися хотящих от всякаго злаго обстояния
неврежденных сохрани, и всякое изобилие небеснаго и земнаго Твоего
благословения тем даруй и, яко щедр, помилуй, по велицей Твоей
милости.
Иерей: Господу помолимся.
Хор: Господи, помилуй.
И читает иерей молитву:
Господи, Иисусе Христе, Боже наш, изволивый под сень Закхея мытаря
внити, и спасение тому и всему дому его бывый; Сам и ныне зде
труждатися восхотевшия и нами недостойными мольбы Тебе и моления
приносящия, от всякаго зла невредимы соблюди, благословляя их и
обиталище сие и ненаветен тех живот выну сохраняй, изобильно вся благая
Твоя им Твоим благословением на пользу подаваяй. Яко. подобает Тебе
всякая слава, честь и поклонение со Безначальным Твоим Отцем и
Пресвятым и Благим и Животворящим Твоим Духом, ныне и присно, и во
веки веков. Аминь.
Иерей: Мир всем.
Лик: И духови твоему.
Диакон: Главы ваша Господеви приклоните.
Лик: Тебе, Господи.
Владыко Господи Боже наш, на высоких живый и на смиренныя
призираяй, благословивый дом Лаванов при входе Иакова и дом
Пентефриев приходом Иосифовым, благословивый дом Аведарин
внесением кивота и во дни пришествия во плоти Христа Бога нашего,
спасение дому Закхеову даровавый, Сам благослови и храмину сею, и в
ней труждатися хотящих страхом Твоим огради, и невредимых от
сопротивных сохрани, и благословение Твое с высоты жилища Твоего
низпосли им, и благослови и умножи вся благая в храмине сей.
Возглас:
Твое бо есть, еже миловати и спасати ны Боже наш, и Тебе славу
возсылаем, Отцу, и Сыну, и Святому Духу, ныне и присно, и во веки веков.
Аминь
И читает молитву над елеем:
Господи Боже наш, призри ныне милостиво на молитву мене смиреннаго и
недостойнаго раба Твоего, и низпосли благодать Пресвятаго Твоего Духа на
елей сей и освяти его, яко да будет во освящение месту сему и на нем
сооруженной храмине , и на прогнание всякия сопротивныя силы и
сатанинских наветов; Ты бо еси благословляяй и освящаяй всяческая,
Христе Боже наш, и Тебе славу возсылаем Отцу, и Сыну, и Святому Духу,
ныне, и присно, и во веки веков. Аминь.
Затем иерей трижды знаменует елей, говоря:
Во имя Отца, и Сына, и Святаго Духа. Аминь.
Если необходимо иерей читает:
Молитва на освящение различных вещей.
(орудий труда)
Владыко Господи Боже наш, на высоких живый и на смиренныя
призираяй, благословивый дом Лаванов при входе Иакова и дом
Пентефриев приходом Иосифовым, благословивый дом Аведарин
внесением кивота и во дни пришествия во плоти Христа Бога нашего,
спасение дому Закхеову даровавый, Сам благослови (вещи сии их же
освящаем), и всех ими действующих страхом Твоим огради, и невредимых
от сопротивных сохрани, и благословение Твое с высоты жилища Твоего
низпосли им, и благослови, и умножи дела рук их, да всегда благодарно
славим всесвятое Имя Твое, Отца, и Сына, и Святаго Духа, ныне и присно, и
во веки веков. Аминь.
Иерей, помазывает елеем стены дома, где был начертан крест, в
середине его, сперва на восточной стене дома, потом на западной, засим
на северной и, наконец, на южной, произнося:
Благословляется храмина сея помазанием святаго елея сего, во имя Отца, и
Сына, и Святаго Духа, аминь.
Окропляет святой водой все стены данного помещения, говоря:
Во имя Отца, и Сына, и Святаго Духа, окроплением воды сея священныя, в
бегство да претворится все лукавое бесовское действо, аминь.
Затем, иерей кадит помещение и в это время читается псалом 100-й:
Милость и суд воспою Тебе, Господи. Пою и разумею в пути непорочне,
когда приидеши ко мне? Прехождах в незлобии сердца моего посреде
дому моего. Не предлагах пред очима моима вещь законопреступную:
творящыя преступление возненавидех. Не прильпе мне сердце строптиво,
уклоняющагося от мене лукаваго не познах. Оклеветающаго тай
искренняго своего, сего изгонях: гордым оком, и несытым сердцем, с сим
не ядях. Очи мои на верныя земли, посаждати я со мною: ходяй по пути
непорочну, сей ми служаше. Не живяше посреде дому моего творяй
гордыню, глаголяй неправедная, не исправляше пред очима моима. Во
утрия избивах вся грешныя земли, еже потребити от града Господня вся
делающыя беззаконие.
Сугубая ектения:
Помилуй нас, Боже, по велицей милости Твоей, молимтися, услыши и
помилуй.
Лик: Господи, помилуй. (трижды).
Еще молимся о Великом Господине и Отце нашем Святейшем Патриархе
Алексии, и о Господине нашем, Высокопреосвященнейшем митрополите
Владимире, и всей во Христе братии нашей.
Еще молимся о Богохранимей стране нашей, властех и воинстве ея, да
тихое и безмолвное житие поживем во всяком благочестии и чистоте.
Таже:
Еще молимся о еже низпослати благословение Свое на храмину сию и на
раба Своего (или рабу Свою: имярек) и на всех, в нем благочестно
труждатися хотящих, и послати им ангела своего милостива, соблюдающа
и сохраняюща их от всякаго зла, и наставляюща к деланию всех
добродетелей, и ко исполнению святых Христовых заповедей, и о еже
сохранити их от глада, губительства, труса, потопа, огня, меча и нашествия
иноплеменников, и всякия смертоносныя раны, и даровати им здравие, и
долгоденствием оградити их и во всем угобзити, рцем вси: Господи,
услыши и помилуй.
Таже:
Призри, Человеколюбче, милостивым Твоим оком на рабы Твоя (раба
Твоего (имя), ко Твоему благоутробию верою припадающия
(припадающаго), и услышав моления их (его), благое намерение и дело их
(его) благослови, и благополучно начати и благоуспешно кроме всякаго
препятия, во славу Твою, совершити, яко Всесильному Царю, молим Ти ся,
услыши и помилуй.
Во всем поспешествуяй всем во благое, Господи, милостивно и рабом
Твоим (рабу Твоему (имя) поспешствуй, Спасе, и во благополучное
совершение делу их (его) спешно произвестися благослови, молим Ти ся,
Всемогий Владыко, услыши и помилуй.
Ангела Твоего Хранителя пристави делу сему, благоуветливе Господи, и
еже воспятити вся препятия видимых и невидимых врагов, поспешство же
во всем ко благополучному совершению делающим (делающему) сотвори,
молим Ти ся, Преблагий Спасе, услыши и помилуй.
В славу Твою вся творити повелеваяй, Господи, рабом Твоим (рабу Твоему)
(имя), к Твоей славе дело свое начинающим (начинающему),
благословением Твоим поспешство благополучное с довольством к
совершению подаждь, здравие им (ему) со благоденствием даруя, молим
Ти ся, Вседаровитый Творче, услыши и помилуй.
Затем иерей возглас:
Услыши ны Боже, Спасителю наш, упование всех концев земли и сущих в
мори далече, и милостив милостив буди Владыко, о гресех наших и
помилуй ны: милостив бо и Человеколюбец Бог еси, и Тебе славу
возсылаем, Отцу, и Сыну, и Святому Духу, ныне и присно, и во веки веков.
Аминь.
Молитва в начале всякого доброго дела.
Господи Иисусе Христе, Боже наш, благослови благое намерение рабов
Твоих (имярек), и дело их еже благополучно начати и без всякаго
преткновения к славе Твоей совершити: делателем же благопоспеши и
дела рук исправи, и в совершение силою Пресвятаго Твоего Духа спешно
произвести сотвори, яко Ты еси Творец и Создатель всяческих, и Тебе славу
возсылаем, со Безначальным Твоим Отцем, и с Пресвятым, Благим и
Животворящим Твоим Духом, ныне и присно, и во веки веков.
И отпуст.