Песнь 3 Ирмос: Непло́дствоваший мой ум, плодоносен Боже покажи ми, де́лателю добрых, насади́телю благи́х, благоутробием твоим. Песнь 6 Ирмос: Во глубине греховней содери́мь есмь Спасе, и в пучине житейстей обуреваемь: но якоже Иону от зверя, и мене от страсте́й возведи, и спаси мя. Песнь 8 Ирмос: В купине́ Моисею Девы чудо, на синайстей горе прообрази́вшего иногда́, пойте, благослови́те, и превозносите во вся веки. Песнь 9 Ирмос: Преесте́ственно плотию заче́ншу во чреве, от Отца безлетно предвозсия́вшее слово, в песнех немолчно величаем вернии. Ексапостиларий: В субботу глас 4: Иже и мертвыми и живыми обладаяй яко Бог, / и святыми Твоими всю землю просветивый, / Содетелю всех, поющия Тя спасай.
